لو تسألونى أنا أبقى مين؟؟(امير الـــــــــحـــــــــــب)

لو تسألونى انا أبقى مين؟ معرفش أرد

أوقات بكون عمرى سنين كتير أوى مقدرش حتى أعدها

شايله على ضهرى الهموم مرفعش راسى منها

واوقات بكون بقلب طفل فرحان سعيد لاهمه شىء و لا أى حد

وأوقات بكون زى الفراشه فى كل حته تقدر تروح

وتدور مابين الزهر أو حتى توصل للنجوم

وسعات بكون للدنيا مش متحمله
وعايزة أهرب م الحياه بغشها وظلمها

واوقات كتير بشوف بعقلى
كل شىء على الحقيقه

مهما لبس من أقنعه

وأحاول أنسى أد إيه فى ظلم مالى دنيتنا دى

من ناس لناس

حرمان وخوف فى عيون بريئه من أى ذنب

وحروب كتير حوالينا دايرة
وفى أرضنا!

وإزاى حننسى وكل شىء يفكرنا بقهرنا و عجزنا
فى كل ساعه وكل وقت

طب إنتو مين

حاسيين بإيه

بتشوفو إيه فى دنيا قاسيه
تملى خادعه عيونا واحنا

لكدبها مصدقين

خايفين نقول يوم الحقيقه
إن السراب ده أصلها
وإن الصور أساسها وهم

ورغم ده بنحبها
والمستحيل بنعمله عشان ما نوصل
لقلبها
وهى غافله عن حبنا
أملها تحرق قلبنا
وتنتصر على عقلنا